Google ADS

Ministri zgjedh 7 marsin për të dhënë lajmin e mirë për mësuesit

15:49 | 7 Mars 2017
Arbresh.info

Ministri i Mirëqenies Sociale dhe Rinisë Blendi Klosi dha sot një lajm të mirë për mësuesit e arsimit profesional, duke zgjedhur festën e 7 marsit për ta bërë publik.

Në shkollën profesionale “Beqir Cela” në Durrës, u nderuan 3 mësues në prag pensioni, shoqëruar edhe me premtimin e ministrit Klosi, për rritjen e pagave të mësuesve, bazuar në ligjin e ri për arsimin dhe formimin profesional.

“Tani është momenti që ne të rishtrëngojmë edhe njëherë bisedën dhe të kuptojmë se edukimi sipas kërkesës së tregut të punës është e ardhmja e edukimit në të gjithë botën. Trajtim të vazhdueshëm dhe trajnim të vazhdueshëm. Rritja e pagës që ndodh për mësueset, që nga 1 marsi është falë përpjekjes shumë të madhe që bota pedagogjike po bën në Shqipëri. Rritja e pagës për mësueset vjen si nevojë e forcimit të shkollës, e forcimit të edukimit dhe forcimit të profesionit në tregun e punës që çdo mësues prodhon.”- tha ministri Klosi.

Shpërndaje në rrjete sociale

Lajmet më të lexuara

Të ngjashme

Foto lajm